काठमाडौं । मुगुको पूर्व भेगमा पर्ने कार्मारोङ गाउँपालिका १ बाग्री गाउँका स्थानीयवासी चिसोका कारण मुगुबाट जुम्लाका विभिन्न ठाउँमा बसाइँ सरेर गएपछि गाउँ नै रित्तिएको छ ।

बाग्री गाउँमा दिनको तीन घण्टा पनि घाम नलाग्दा अत्यधिक चिसो बढेपछि यहाँका स्थानीय बसाइँ सरेर जुम्ला गएका हुन् । चिसोका कारण देखाउँदै १५ वर्षदेखि स्थानीय गाउँ छाड्दै जुम्लाका विभिन्न ठाउँमा बसाइँ सर्न थालेका हुन् ।

कार्मारोङ गाउँपालिका १ मा तीन वटा बस्ती छन् । जसमा चिताई र डोल्पुमा स्थानीयवासी बसोबास गर्छन् । तर, बाग्री गाउँवासी घर छोड्दै जान थालेका छन् । यस गाउँमा ७५ घरधुरी छन् । आजको अन्नपूर्ण पोष्टबाट साभार ।