छाउगोठ पठाएको आरोपमा एक जना पक्राउ

प्रकाशित मिति

२०७६ मंसिर २० गते, शुक्रबार ११:४९

अछाम, अछामकी एक युवतीको मृत्यु छाउगोठमा भएपछि उनका जेठाजुलाई पक्राउ परेका छन् । २१ वर्षीया पार्वती बुडा राउतको शव सोमबार बिहान छाउगोठ भित्र भेटिएको थियो । अत्यधिक चिसो बढेपछि उनले अघिल्लो रात सुत्ने बेला छाउगोठभित्र आगो बालेकी थिइन् । निस्सासिएका कारण उनको ज्यान गएको हो ।

प्रहरीका अनुसार मृतक महिलाकी २५ वर्षे जेठाजु छत्र रावतलाई पक्राउ गरिएको छ । पार्वतीलाई उनैले छाउगोठमा पठाएको आरोप लागेको छ । यदि उनीमाथिको आरोप ठहर भए उनलाई तीन हजार रुपैयाँ हर्जानासहित तीन महिनाको जेल सजाय हुनेछ ।