ट्याङ्करबाटै २० हजार लिटर डिजेल चोरी भएपछि छानबिन समिति गठन

प्रकाशित मिति

२०७६ मंसिर ५ गते, बिहीबार १०:५७

विराटनगर, नेपाल आयल निगम १ नम्बर प्रादेशिक कार्यालयका लागि आइरहेको डिजेल बाटोबाटै चोरी भएको छ र सो विषयमा छानबिन सुरु गरिएको छ । नेपाल आयल निगमको अमलेखगञ्जबाट गत आइतबार विराटनगर निगमका लागि ५१ वटा ट्याङ्करमा डिजेल लोड गरी आइरहेको मध्येबाट ना.४ ख ४१६३ नम्बरको ट्याङ्करबाट इन्धन चोरी भएको बुधबार जानकारी भएको थियो ।

सो ट्याङ्करमा २० हजार लिटर डिजेल थियो । अमलेखगञ्जबाट आउने अन्य ट्याङ्कर विराटनगर निगममा आइसकेको छ । प्रादेशिक कार्यालय प्रमुखको संयोजकत्वमा छानबिन समिति गठन गरिएको हो ।