भक्तपुर, मध्यपुरथिमि नगरपालिका – ४ ,चारदोबाटोबाट चोरी तथा लुटपाटको सामानसहित दुई जना पक्राउ परेका छन् । पक्राउ पर्नेमा नुवाकोट बागेश्वरी गाउपालिका –४ का १९ वर्षिय एरिन तामाङ र काभ्रे बनेपा नगरपालिका– ८ का २४ वर्षिय पञ्च घलान रहेका छन् ।

ठिमी नगरपालिका विभिन्न वडाका एरियामा पसल सञ्चालकहरु दायाँ बायाँ गएको मौका छोपी मोबाइल तथा पैसाका व्याग चोरी गर्ने क्रममा दुबै जनालाई सोमबार महानगरीय प्रहरी वृत्त ठिमीले पक्राउ गरेको हो ।

उनीहरुसंग सात थान मोबाईल फोन, लुटपाट भएका व्याग, नगद रु १७००, एटिएम कार्ड, नागरिकता लगायतका सामान फेला परेको छ । यस सम्बन्धमा आवश्यक अनुसन्धान भईरहेको महानगरीय प्रहरी वृत्त ठिमीले जनाएको छ ।