काठमाडौं,  पार्किङ निषेध गरिएको स्थानमा रोकीराखेको गृह मन्त्रालयको गाडीलाई कारवाही गर्ने ट्राफिक प्रहरीलाई सम्मान गरिएको छ । सो गाडी गृहका सह(सचिव तथा प्रवक्ता रामकृष्ण सुवेदीले प्रयोग गर्ने गर्दै आएका छन ।
सिंहदरबारको पूर्वी गेट अगाडिको सडकमा रोकीराखेको बा २ झ ४३८८ नम्बरको सरकारी गाडीमा लक लगाएपछि गृहका कर्मचारीको हप्कीदप्की गरेका थीए । तर प्रहरी जवान टीकाराम बुढा र जवान कमलेश कुमारले एक हजार रूपैयाँ जरिवाना तिराएर मात्रै गाडी छाडेका थिए।

ट्राफिकले ह्वील लक गरेपछि गृहका कर्मचारीले कारवाही गर्ने भन्दै धम्क्याएका थिए। ट्राफिक प्रहरीले गाडी लक गरेपछि चालक सहित आएर ‘म गृह मन्त्रालयको प्रवक्ता हुँ’ भन्दै चिट नकाट्न भनेका थिए। गृहकै हाकिमको गाडीमाथि कारवाही गरेका ट्राफिक प्रहरीलाई वान ह्वान्ड्रेड्स नामको ग्रुपका सदस्यस हितका युवाले सडकमै दोसल्ला ओढाएर सम्मान गरेका हुन्।