कपिलवस्तुको मायादेवी गाउँपालिका–२ अभिरावमा बिहीबार राति दुई वटा मोटरसाइकल एकआपसमा ठोक्किँदादा एक जनाको मृत्यु भएको छ भने अर्काे एक जना घाइते भएका छन् ।

दुर्घटनामा गम्भीर घाइते भएका लोधको उपचारको क्रममा जिल्ला अस्पताल तौलीहवामा मृत्यु भएको प्रहरीले जनाएको छ ।घाइते भएका रुपन्देहीको गैडहवा–९ का २२ वर्षीय राजेश शर्माको भने स्थानीय मेडीकलमा उपचार भैरहेको छ ।

मृत्यु हुनेमा भारतीय नागरीक २५ वर्षीय राजु लोध रहेको प्रहरीले जनाएको छ ।भारतीय नम्बरको मोटरसाइकल र नम्बर नखुलेको अर्को मोटरसाइकल एकआपसमा ठोक्किँदा लोधको मृत्यु भएको हो ।

दुर्घटना पश्चात् फरार रहेका अर्को मोटरसाइकल चालकको खोजी भैरहेको ईलाका प्रहरी कार्यलय पकडले जनाएको छ ।