चार देशका राजदूतविरूद्ध उजुरी आह्वान

प्रकाशित मिति

२०७६ असार ४ गते, बुधबार ०२:३२

सरकारद्वारा प्रस्तावित विभिन्न चार देशका राजदूतको संसदीय सुनुवाइ विशेष समितिले सुनुवाइ प्रक्रिया सुरू गरेको छ ।

बुधबार सिंहदरबारमा बसेको समितिको बैठकले राजदूतहरू अस्ट्रेलियाका लागि महेश दाहाल, कतारका लागि नारद भारद्वाज, स्पेनका लागि दावाफुटी शेर्पा र बंगलादेशका लागि डा. वंशीधर मिश्रको सुनुवाइका लागि उजुरी आह्वान गर्ने निर्णय गरेको हो ।

समितिले प्रस्तावित राजदूतहरूलाई १० दिनसम्म उजुरी आह्वानका लागि म्याद दिने संवैधानिक व्यवस्था छ । त्यसपछि सो उजुरीमाथि छानबिन गरी प्रस्तावित राजदूतहरूको सुनुवाइ हुनेछ।