गौतमबुद्ध बिमानस्थल भैरहवाबाट एउटा पेस्तोल र १६ राउण्ड गोलीसहित भारतीय नागरिक पक्राउ परेका छन् ।

भारत उत्तर प्रदेशका ५० वर्षीय उमेश शुक्लालाई मेड इन चेकोस्लोभाकिया लेखेको पेस्तोल १ थान, त्यसको गोली १६ राउण्ड र म्याग्जीन २ थानसहित मंगलबार दिउँसो प्रहरीले पक्राउ गरेको हो ।

बुद्ध एयरको उडानद्धारा भैरहवाबाट पोखरा जान लागेका शुक्लालाई बिमानस्थलको एक्सरे मेसिनद्धारा जाँच गर्नेक्रममा शंकास्पद दृश्य देखिएपछि खनतलासीका क्रममा पेस्तोल भेटिएको थियो ।

उनले त्यो हतियार लाइसेन्स प्राप्त भएको दाबी गरेका छन् । तर, प्रहरीसमक्ष लाइसेन्स देखाउन सकेका छैनन् ।