मोटरसाइकल बसमा ठोक्किँदा मोटरसाइकल चालकको मृत्यु

प्रकाशित मिति

२०७६ असार ४ गते, बुधबार १०:२१

रुपन्देहीमा मोटरसाइकल बसमा ठोक्किँदा मोटरसाइकल चालकको मृत्यु भएको छ भने दुई जना घाइते भएका छन् ।

मंगलबार राति देवदह नगरपालिका–१० चरंगेमा ३ जना सवार लु ४६ प ६१२३ नम्बरको मोटरसाइकल ना ४ ख ५२५० नम्बरको बससग ठोक्किँदा मोटरसाइकल चालक बुटवल उपमहानगरपालिका–७ का २० वर्षीय ऋषी क्षेत्रीको घटनास्थलमै मृत्यु भएको प्रहरीले जनाएको छ ।

दुर्घटनामा मोटरसाइकलमा पछाडि सवार दुई जना घाइते भएका छन् । उनीहरुको बुटवल स्थित प्रादेशिक अस्पतालमा उपचार भइरहेको छ ।

उक्त घटनाबारे थप अनुसन्धान भइरहेको प्रहरीले जनाएको छ ।