गैँडाकोटमा बसले मोटरसाइकललाई ठक्कर दिँदा एकको मृत्यु भएको छ ।

पूर्वपश्चिम राजमार्गअन्तर्गत गैँडाकोट–१० सिस्नेमा गए राति पश्चिमतर्फ छुटेको लु १ ख ८३२६ नंम्बरको बसले ना३३प ८७६३ नंको मोटरसाइकललाई ठक्कर दिँदा मोटरसाइकलमा सवार बुलिङटार–३ का ५२ वर्षीय वीरेन्द्रनन्द सन्न्यासीको मृत्यु भएको प्रहरीले जनाएको छ । गम्भिर घाइते भएका उनको उपचारको क्रममा चितवन मेडिकल कलेजमा मृत्यु भएको प्रहरीले जनाएको छ ।

दुर्घटनामा परी मोटरसाइकल चालक बुलिङटार–३ का ३७ वर्षीय विष्णु निर्मल गिरी घाइते भएका छन् । घाइते गिरीको चितवन मेडिकल कलेजमा उपचार भइरहेको छ ।