भारतको नयाँ दिल्लीस्थित विकासपुरीमा प्रेमीले बिहे गर्न नमानेको भन्दै प्रेमिकाले एसिड प्रहार गरेकी छन् ।

अघिल्लो साताको मंगलबार दिउँसो एसिड आक्रमण गरेकी १९ वर्षीया युवतीलाई प्रहरीले आइतबार पक्राउ गरेको हो ।

युवक मोटरसाइकल चलाइरहेका थिए र बाइकमा पछाडि तिनै युवती थिइन् । युवकले बिहे गर्न अस्वीकार गरेपछि रिसाएकी युवतीले एसिड आक्रमण गरेको स्वीकार गरेकी छन् ।

सोमबार राति युवतीले एसिडलाई कोल्ड ड्रिंकको २०० एमएल बोतलमा भरेर पर्समा लुकाएकी थिइन् । उनले प्रेमीमाथि एसिड आक्रमण गर्नुअघि आफ्नै दुई औंलामा त्यसको परीक्षण गरेकी थिइन् ।

उनले एसिड धेरै खतरनाक त छैन नि भनी उनले परीक्षण गरेकी थिइन् ।