सिनेमा निर्माता रमेश एम के पौडेलले अभिनेता पल शाह र साम्राज्ञी राज्यलक्ष्मी शाहलाई जोडी बनाउँदै निर्देशकीय डेब्यू सिनेमा रेड वाइनको घोषणा गरेका छन् । पौडेल रूद्रप्रिया रज्जा रानी आदि सिनेमाका निर्मातासमेत हुन् । रेड वाइनका निर्माता पनि स्वयं रमेश हुन्।

सिनेमाको सम्पूर्ण सुटिङ् अमेरिकामा गर्ने निर्माणपक्षले जानकारी दिएका छन् । प्रेम कथामाथि आधारित हुने सिनेमाबाट पल र साम्राज्ञी पहिलोपटक सिनेमाको पर्दामा जोडी बन्दैछन्। सिनेमामा पल र साम्राज्ञीका अलावा सन्दिप क्षेत्री र अमेरिकामा नै बस्दै आएकी इमिली लामाले अभिनय गर्नेछिन्।
आर्यन फिल्मस् प्रोडक्शन प्रा। लि र बोधी एच डी अमेरिकाको ब्यानरमा निर्माण हुने सिनेमाको पटकथा र संवाद सबिर श्रेष्ठले तयार पारेका हुन्।