काठमाडौं, बुद्ध एयरको जहाज बंगलादेशको ढाकातर्फ उठेको छ । लकडाउन र व्यवसायिक हवाई उडानमा लागिको प्रतिवन्धपछि काठमाडौंमा अड्किएका १६ बंगलादेशी नागरिकलाई फिर्ता लैजान बुद्धले चार्टर्ड उडान गरेको हो ।

सरकारी नियम अनुसार बंगलादेशी दूतावासले यो जहाज चार्टर्ड गरेको कम्पनीले जनाएको छ । लकडाउन शुरु भएयता बंगलादेशको ढाकामा बुद्ध एयरको यो तेस्रो उडान हो । यसअघि पहिलो उडानमा बंगलादेशी नागरिकलाई ढाका लगिएको थियो ।

दोस्रो उडानमा बंगलादेशमा अध्ययन गर्ने एक नेपाली युवतीलाई काठमाडौं ल्याउन रेस्क्यू उडान गरेको थियो । शुक्रबार तेस्रो उडान गरिएको हो ।