१६ असोज २०८३ काठमाडौं — चार कम्पनीको लाभांश सुरक्षित गर्ने आज अन्तिम दिन रहेको छ। कुमारी बैंक, सिटिजन्स बैंक इन्टरनेशनल, विकास हाइड्रोपावर र सानिमा मिडिल तमोर हाइड्रोपावरको लाभांश सुरक्षित गर्ने आज अन्तिम दिन हो।

यी कम्पनीहरुले साधारण सभा तथा लाभांश वितरण प्रयोजनार्थ आगामी सोमबार अर्थात् असोज १९ गते बुकक्लोज गर्दैछन्। त्यसअनुसार आजसम्म नेप्सेमा कारोबार भई कायम हुने शेयरधनीले सम्बन्धित कम्पनीको साधारण सभामा सहभागी हुन तथा प्रस्तावित लाभांश प्राप्त गर्न सक्नेछन्।

बुकक्लोजपछि शेयर खरिद गर्ने लगानीकर्ताले भने सम्बन्धित कम्पनीको साधारण सभामा सहभागिता जनाउन तथा लाभांश प्राप्त गर्न पाउने छैनन्।