१८ भदौ २०८३ काठमाडौं — धादिङको कृष्णभीरमा त्रिशूली नदीले सडक कटान गरेपछि पृथ्वीराजमार्ग अवरुद्ध हुँदा साल्ट ट्रेडिङ कर्पोरेसनले निजी ग्यास कम्पनीसँग सहकार्य गरी उपत्यकामा ग्यास आपूर्ति सुरु गरेको छ।

कर्पोरेसनले मनोज र बाबा ग्यासका प्लान्टमा आफ्ना एसटीसी सिलिन्डर भरी वैकल्पिक मार्गबाट काठमाडौं ल्याउने व्यवस्था मिलाएको हो। उपभोक्तालाई ग्यास अभाव हुन नदिन कुपन प्रणालीमार्फत वितरणसमेत भइरहेको कर्पोरेसनले जनाएको छ।

यस्तै, कर्पोरेसनले करिब ६ महिनालाई पुग्ने आयोडिनयुक्त नुन मौज्दात रहेको जनाएको छ भने बजारमा चिनीको मूल्य बढेपछि प्रतिकिलो १०० रुपैयाँमा बिक्री गर्दै बजार हस्तक्षेप गरिरहेको छ।