१५ भदौ २०८३ काठमाडौं — प्रधानमन्त्री बालेन शाहले रसुवाको भोटेकोशी नदीमा आएको विनाशकारी बाढीपछि उत्पन्न संकट समाधानका विषयमा सुरक्षा निकायका प्रमुखहरूसँग छलफल थालेका छन्।

प्रधानमन्त्री शाहले सोमबार प्रधान सेनापति अशोकराज सिग्देलसँग भेट गरी हालसम्म भएका खोज, उद्धार, राहत तथा विपद् व्यवस्थापनका गतिविधिबारे जानकारी लिएका हुन्।

प्रधानमन्त्रीको सचिवालयका अनुसार उनले आजै सशस्त्र प्रहरी बल, नेपालका महानिरीक्षक नारायणदत्त पौडेल तथा नेपाल प्रहरीका महानिरीक्षक दानबहादुर कार्कीसँग पनि छुट्टाछुट्टै ब्रिफिङ लिने कार्यसूची रहेको छ।

रसुवामा आएको बाढीबाट भएको क्षति, प्रभावित क्षेत्रको उद्धार, राहत वितरण तथा आगामी व्यवस्थापनका विषयमा सुरक्षा निकायसँग समन्वय गरी आवश्यक कदम चाल्ने तयारी भइरहेको प्रधानमन्त्रीको सचिवालयले जनाएको छ।