२५ फाल्गुन,२०८२ काठमाडौं- कतारमा फेक समाचार फैलाएको आरोपमा ३१३ जना पक्राउ परेका छन्। कतारको गृह मन्त्रालयले जानकारी दिएको छ कि इरानले गरिरहेको आक्रमण सम्बन्धी गलत समाचार भिडियो बनाउने र सामाजिक सञ्जालमा पोस्ट गर्ने कार्यमा उनीहरू संलग्न थिए।

पक्राउ परेकामाथि अनुमति विना भिडियो निर्माण र प्रसारण, भ्रामक सूचना र अफवाह फैलाउने, र सार्वजनिक चिन्ता उत्पन्न गर्ने सामग्री प्रसारण गरेको आरोप लगाइएको छ। मन्त्रालयका अनुसार उनीहरू विभिन्न देशका नागरिक हुन् र आवश्यक कानुनी तथा प्रशासनिक कारबाही गरिएको छ।

गृह मन्त्रालयले सबैलाई आधिकारिक स्रोतबाट मात्र जानकारी प्राप्त गर्न र हालको परिस्थितिसँग सम्बन्धित भिडियो वा अफवाह फैलाउन नहुन अपिल गरेको छ।