श्रावण २५,२०८२काठमाडौं– निजी विद्यालय सञ्चालकहरूले नयाँ विद्यालय शिक्षा विधेयकप्रति असन्तुष्टि जनाउँदै साउन २९ गतेदेखि आन्दोलन गर्ने चेतावनी दिएका छन्। हिसान, नेसनल प्याब्सन, एन प्याब्सन र प्याब्सनले संयुक्त विज्ञप्ति जारी गर्दै विधेयकमा निजी विद्यालयलाई क्रमशः गैरनाफामूलक बनाउने भनिएको वाक्यांश तत्काल हटाउनुपर्ने माग राखेका छन्।

उनीहरूले ‘पूर्ण छात्रवृत्ति’ भन्ने शब्द पनि हटाउनुपर्ने र हाल अभ्यासमा रहेको जम्मा विद्यार्थी संख्याको १० प्रतिशत छात्रवृत्ति दिने प्रावधानलाई निरन्तरता दिनुपर्ने बताएका छन्। साथै, छात्रवृत्तिका रूपमा भर्ना शुल्क, वार्षिक शुल्क र मासिक पढाइ शुल्क कायम रहनुपर्ने उनीहरूको जोड छ।

संयुक्त विज्ञप्तिमा यदि यी माग सम्बोधन नगरिए आन्दोलन गरिने स्पष्ट गरिएको छ।