असार १९, २०८२ काठमाडौं । नेपाल स्टक एक्सचेञ्ज (नेप्से) परिसूचक आज १०.९८ अंकले उकालो लाग्दै २७०५.८१ बिन्दुमा पुगेको छ। बिहीबार दिनभर भएका कारोबारमा ३११ वटा कम्पनीका २ करोड ४९ लाख ७६ हजार कित्ता शेयर किनबेच भएका छन्। कुल कारोबार रकम ९ अर्ब ६४ करोड ५५ लाख रुपैयाँ पुगेको नेप्सेले जनाएको छ।

आजको बजारमा सबैभन्दा बढी फाइनान्स समूहका लगानीकर्ताले लाभ कमाएका छन्। सो समूहको सूचक ४.०९ प्रतिशतले उकालो लागेको हो। त्यसैगरी, जीवन बीमा समूहको २.५६ प्रतिशत, निर्जीवन बीमा समूहको २.२४ प्रतिशत र म्युचुअल फन्ड समूहको सूचक १.२४ प्रतिशतले बढेको छ।

लगातारको सुधार देखिएको बजारमा लगानीकर्ताको उत्साह समेत बढ्दो क्रममा देखिएको छ। बजार विश्लेषकहरूले यो सुधारलाई सकारात्मक संकेतका रूपमा लिएका छन्।