काठमाडौं । एक समय डा. बाबुराम भट्टराईका नजिकका विश्वासपात्र मानिने गंगानारायण श्रेष्ठ र महिन्द्र राय यादवले बाबुरामलाई छाडेर नेकपा (माओवादी केन्द्र) मा प्रवेश गरेका छन्। नयाँ शक्ति हुँदै नेपाल समाजवादी पार्टीसम्म सँगै रहेका यी नेताहरूले अन्ततः प्रचण्ड नेतृत्वमा फर्किने निर्णय गरेका हुन्।

गंगानारायणले नेपाल समाजवादी पार्टीमा बहुमत जुटाएर महिन्द्रलाई पनि एक्ल्याउँदै पार्टीलाई माओवादीमा समायोजन गराएका छन्। सोमबार उनीसहितका नेताहरूलाई प्रचण्डले स्वागत गरेका थिए। यसअघि बाबुरामका सचिवालय प्रमुख विश्वदीप पाण्डे पनि माओवादीमा प्रवेश गरिसकेका थिए।

अब बाबुराम झन् एक्लिँदै गएका छन् भने महिन्द्र राय यादव पनि अलग्गिएका छन्। युद्धकालदेखि बाबुरामसँगै रहेका धेरैजसो पुराना सहकर्मीहरू अहिले माओवादीमा सक्रिय छन्।