वैशाख १४, २०८२ काठमाडौँ: नेपाली कांग्रेसकी सांसद माया राईलाई तीन दिन हिरासतमा राखेर अनुसन्धान गर्न अदालतले अनुमति दिएको छ ।

काठमाडौं जिल्ला अदालतले राईलाई तीन दिन हिरासतमा राखेर अनुसन्धान अघि बढाउन अनुमति दिएको हो । शनिबार साँझ पक्राउ परेकी सांसद राईलाई आइतबार अदालत लगिएको थियो ।

उनलाई काठमाडौं जिल्ला प्रहरी, परिसर भद्रकालीको हिरासतमा राखिएको छ । विभिन्न सहकारी ठगी प्रकरणमा जोडिएर फरार रहेका गितेन्द्र बाबु राईसँग सांसद राईको कनेक्सन देखिएको थियो । अनुसन्धानका लागि उनलाई पक्राउ गर्न अदालतले अनुमति दिएको भएपनि सांसद राई लामो समयदेखि फरार थिईन् ।

उनी सहकारीको सञ्चालक समितिमा रहेर सहसचिव पदमा कार्यरत थिइन् । राई समेतका व्यक्तिले ६९० बचतकर्ताको अर्बौं रुपैयाँ हिनामिना गरेको आरोप छ ।