राजविराज। पुल र बाँध निर्माणका क्रममा नेपाल भारतबीच भएको सम्झौताअनुसार मुआश्जा उपलब्ध गराउन माग गर्दै विगत १० दिनदेखि अनशनमा बसेका सप्तरी, सुनसरी र उदयपुरका कोसीपीडितका जायज मागप्रति प्रदेश २ का भूमि व्यवस्था तथा कृषि सहकारीमन्त्री शैलेन्द्रप्रसाद साहले पनि समर्थन जनाउनु भएको छ । हिजो अनशनस्थल कोसी ब्यारेजमै पुग्नु भएको मन्त्री साहले कोसीपीडितका माग जायज रहेको भन्दै समर्थन जनाउनु भएको हो ।

उहाले प्रदेश सरकारले कोसी पीडितको माग पूरा गराउन आफ्नोस्तरबाट यसबारे संघीय सरकारसँग आवश्यक पहल गर्ने प्रतिबद्धता पनि जनाउनु भयो ।
नेपाल भारतबीच विस २०११ सालमा भएको सम्झौताअनुसार अझै मुआब्जा पाउन नसकेको भन्दै तीन बुँदे मागसहित उनीहरू साउन ३२ गतेदेखि सप्तकोसी ब्यारेजको कन्ट्रोल रुम नजिकै अनिश्चितकालीन रिले अनसनमा बसेका हुन् ।