जबरजस्ती करणी अभियोगमा एक जना पक्राउ

प्रकाशित मिति

२०७६ भाद्र ८ गते, आईतवार ०३:२६

कपिलवस्तु, १८ वर्षीया किशोरीलाई जबरजस्ती करणी गरेको अभियोगमा एक जना प्रकाउ परेका छन् । पक्राउ पर्नेमा बिजयनगर गाउँपालिका–१ नेउलागञ्ज बस्ने २७ वर्षीय अर्जुन राउत रहेका छन् । उनलाई शनिबार दिउँसो प्रहरीले पक्राउ गरेको हो ।

ती किशोरीलाई साउन १६ गते सोही ठाउँस्थित बाटोमा एक्लै भएको मौका पारी एकान्तमा लागेर राउतले जबरजस्ती करणी गरेको भन्ने खबर प्राप्त हुनासाथ ईलाका प्रहरी कार्यालय गणेशपुरबाट खटिएको प्रहरीले उनलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको जनाएको छ ।