१० श्रावण २०८०, काठमाडौँ: कुमारी क्यापिटल लिमिटेड नेशनल पेमेन्ट स्वीच (एनपीएस)मा आबद्ध भएको छ । यससँगै नेपाल क्लियरिङ हाउस (एनसीएचएल) को भुक्तानी प्रणाली प्रयोग गरी डिजिटल माध्यमबाट भुक्तानी गर्न सकिने भएको छ ।

कुमारी क्यापिटल कुमारी बैंक लिमिटेडको पूर्ण स्वामित्वमा रहेको सहायक कम्पनी हो। यसले सन् २०१७ देखि मर्चेन्ट बैंकिङ, सल्लाहकार, लगानी व्यवस्थापनदेखि डिपोजिटरी पार्टिसिपेन्टसम्बन्धी सेवा दिँदै आएको छ ।

एनसीएचएलका भुक्तानी प्रणालीको एकीकृत इन्टरफेसको रूपमा विकास गरिएको एनपीआईमा ५५ वटा बैंक तथा वित्तीय संस्था जोडिएका छन् । यसका साथै पीएसपी/पीएसओ, रेमिट्यान्स कम्पनी, मर्चेन्ट बैंक, सरकारी संस्थालगायत १०० भन्दा बढी प्राविधिक सदस्यका रूपमा आबद्ध छन् ।