२४ फागुन २०७९, काठमाडौँ: राष्ट्रिय फोटो पत्रकार समूह एनएफपिजेले दुई जना महिला फोटो पत्रकारलाई सम्मान गर्ने घाेषणा गरेकाे छ । फोटो पत्रकार उषा तितिक्षु र सगरमाथा आरोहीसमेत रहेकी फोटो पत्रकार पूर्णिमा श्रेष्ठलाई सम्मान गर्ने निर्णय गरिएको एनएफपिजे अध्यक्ष प्रदीपराज वन्तले जानकारी दिए ।

११३ औँ अन्तर्राष्ट्रिय श्रमिक महिला दिवसको अवसरमा एनएफपिजे केन्द्रीय समिति बैठकले तितिक्षु र श्रेष्ठलाई सम्मान गर्ने निर्णय गरेको उनले जानकारी दिए ।

आगामी वैशाख १३ गते राष्ट्रिय फोटो पत्रकारिता दिवसको अवसरमा एक विशेष कार्यक्रम आयोजना गरी सम्मानपत्र प्रदान गरिने जनाइएकाे छ ।