काठमाडौंः गएको वैशाख १७ गते संसद्मा दर्ता भएको गुठी विधेयक, आज फिर्ता हदैछ । सरोकारवाला समूदाय तथा अभियन्ताहरुको विरोधपछि आज फिर्ता गर्न लागेको हो । दिउँसो १ बजेका लागि बोलाइएको बैठकमा भूमि व्यवस्था, सहकारी तथा गरिबी निवारण मन्त्री पद्माकुमारी अर्यालले विधेयक फिर्ता गरियोस् भन्ने प्रस्ताव पेश गर्ने कार्यसूची रहेको बताइएको छ ।

राष्ट्रियसभामा मन्त्री अर्यालको प्रस्तावमा सांसद्ले आफ्नो सहमति जनाएपछि विधेयक फिर्ता हुनेछ । संसद् नियमावली अनुसार विधेयक फिर्ता लिन सरकारले संसद्मा प्रस्ताव गर्नुपर्ने र त्यसलाई सम्बन्धित सदनको बहुमतबाट स्वीकृत हुनुपर्ने व्यवस्था रहेको छ ।