१० साउन, २०७८ काठमाडौँ : मोटरसाइकल दुर्घटना हुँदा दाङमा एक जनाको मृत्यु भएको छ। लमही नगरपालिका वडा नम्बर ४ स्थित अर्नहवा घुम्ती नजिक भएको दुर्घटनामा २९ वर्षीय युवराज रानाको मृत्यु भएको वडा प्रहरी कार्यालय लमहीले जनाएको छ।

तर, उनको ठेगाना भने खुलेको छैन। पूर्वबाट पश्चिमतर्फ जाँदै गरेको लु १५ प ६३२१ नम्बरको मोटरसाइकल शनिबार राती दुर्घटनामा परेको हो। राति कतिबेला दुर्घटना भयो भन्ने एकिन भएको छैन। मोटरसाइकल बाटो छोडेर अनियन्त्रित भएर दुर्घटना भएको अनुमान प्रहरीले गरेको छ।

मोटरसाइकल र शवसँगै देखेपछि स्थानीयले प्रहरीलाई खबर गरेका थिए। शवलाई पोष्टमार्टमका लागि लमही अस्पतालमा राखिएको छ।