सोमालियाको राजधानी मोगादिसुमा कार बम विस्फोटनमा परी कम्तीमा दश जनाको मृत्यु भएको छ ।

घटनामा परी अन्य २६ जना घाइते भएको प्रहरी अधिकारीहरुले आइतबार जानकारी दिएका छन् ।

सोमाली प्रहरी आयुक्त बासिर अब्दी मोहमदले भने, ९ जनाको मृत्यु भएको र अन्य २५ जना घाइते भएको पत्रकारहरुलाई बताएका छन् ।

प्रहरी प्रमुखका अनुसार दुई ओटा विस्फोटनमध्ये दोस्रो कार विस्फोटन केएमफोर जक्सन नजिकै भएको थियो ।

सो विस्फोटनमा केहि आक्रमणकारीको पनि मृत्यु भएको बताइएको छ । घटनामा परी घाइते भएका एक जना घाइतेलाई सुरक्षाकर्मीले पक्राउ पनि गरेका छन् ।

लडाकूहरुले विस्फोटन गराएपछि राजधानी जाने मुख्य बाटो बन्द भएको थियो ।अलकायदा सम्बद्ध अल शबाब नामक समूहले घटनाको जिम्मेबारी लिएको छ ।