७ साउन २०८३ काठमाडौं-  नेपाल माइक्रो इन्स्योरेन्सका पूर्व प्रमुख कार्यकारी अधिकृत (सीईओ) मृगेन्द्रनाथ रिमाल पक्राउ परेका छन्। बीमा ऐन, २०७९ र धितोपत्र सम्बन्धी ऐन, २०६३ अन्तर्गतको कसुरमा फरार रहेका रिमाललाई केन्द्रीय अनुसन्धान ब्युरो (सीआईबी)को टोलीले बिहीबार काठमाडौं महानगरपालिका–७ सिफलबाट पक्राउ गरेको हो।

सीआईबीका अनुसार पक्राउ परेका रिमाललाई आवश्यक कानुनी प्रक्रिया अघि बढाउन काठमाडौं जिल्ला अदालतमा उपस्थित गराइएको छ।

बीमा तथा धितोपत्र क्षेत्रसँग सम्बन्धित कसुरमा उनीविरुद्ध अनुसन्धान जारी रहेको सीआईबीले जनाएको छ। हाल घटनाबारे थप अनुसन्धान भइरहेको प्रहरीले जनाएको छ।