२४ बैशाख २०८३ काठमाडौं- बागमती प्रदेशमा आज सार्वजनिक बिदा दिइएको छ। प्रदेश सरकारले भाषा दिवसको अवसर पारेर प्रदेशभर सार्वजनिक बिदा दिएको हो।

प्रदेश सरकारको सरकारी कामकाजको भाषा सम्बन्धी दिवस मनाउने निर्णयअनुसार २०८१ चैत २१ गते प्रकाशित प्रदेश राजपत्रमार्फत वैशाख २४ गते सार्वजनिक बिदा दिने व्यवस्था गरिएको थियो। आज बागमती प्रदेशभर रहेका सरकारी कार्यालय, सार्वजनिक संस्था तथा विद्यालय बन्द रहनेछन्।

बागमती प्रदेश सरकारले २०८० वैशाख २४ गतेदेखि प्रदेश सरकारी कामकाजको भाषा सम्बन्धी ऐन कार्यान्वयनमा ल्याएको थियो। सोही दिनको सम्झनामा प्रत्येक वर्ष वैशाख २४ गते भाषा दिवस मनाउने गरिएको छ।