१८ माघ,२०८२ काठमाडौं – भारतीय अर्थमन्त्री निर्मला सीतारमणले आइतबार संघीय बजेट २०२६–२७ संसदमा प्रस्तुत गरेकी छन्। भारतीय इतिहासमै पहिलो पटक बिदाको दिन आइतबार बजेट प्रस्तुत गरिएको हो।

आगामी आर्थिक वर्षका लागि पूँजीगत खर्च बढाएर १२२ खर्ब भारु पुर्‍याइएको छ। बजेटले भारतलाई विश्वव्यापी प्रतिस्पर्धामा अगाडि लैजाने लक्ष्यसहित पूर्वाधार, प्रविधि र युवामुखी कार्यक्रमलाई प्राथमिकता दिएको छ।

बजेटमा ७ वटा नयाँ हाई-स्पिड रेल कोरिडोर, सेमिकन्डक्टर मिसन २.०, रेयर अर्थ कोरिडोर तथा शिक्षा र स्वास्थ्य क्षेत्रमा ठूला योजना घोषणा गरिएका छन्। कर प्रणालीलाई सरल बनाउँदै नयाँ कर प्रणालीलाई सुदृढ गर्ने योजना पनि अघि सारिएको छ।

बजेट भाषणका क्रममा शेयर बजारमा सकारात्मक प्रतिक्रिया देखिएको छ।