१३ माघ,२०८२ काठमाडौं – प्रधानमन्त्री सुशीला कार्कीले निर्माणाधीन काठमाडौं–तराई द्रुतमार्गको निरीक्षण गरेकी छन्। उनले आज बिहान नेपाली सेनाका अधिकारी र उच्चपदस्थ कर्मचारीहरूको टोलीसहित मार्गको प्रगति जाँच गरेकी हुन्।

निर्माणको अवस्थाबारे जानकारी लिँदै प्रधानमन्त्री कार्कीले काम छिटो सम्पन्न गर्न निर्देशन दिएकी छिन्। उनले आवश्यक सहयोग सरकारबाट उपलब्ध गराइने पनि बताइन्।

काठमाडौं उपत्यकालाई बाराको निजगढसँग जोड्ने करिब ७१ किलोमिटर लामो यो द्रुतमार्ग राष्ट्रिय गौरवको आयोजना हो र रणनीतिक दृष्टिले अत्यन्तै महत्त्वपूर्ण मानिन्छ। निर्माण कार्य नेपाली सेनाको व्यवस्थापन र निगरानीमा भइरहेको छ।