मंसिर २९,२०८२ काठमाडौं— इमर्जिङ नेपाल लिमिटेडको मंसिर २८ गते बसेको सञ्चालक समितिको बैठकले नगद लाभांश वितरण गर्ने निर्णय गरेको छ। बैठकले गत आर्थिक वर्षको मुनाफा तथा संचित कोषबाट हाल कायम चुक्ता पूँजी ५५ करोड ५६ लाख रुपैयाँको ५.२६३१५ प्रतिशत नगद लाभांश (कर प्रयोजन सहित) वितरण गर्ने प्रस्ताव पारित गरेको हो।

कम्पनीले उक्त लाभांश १०औं वार्षिक साधारणसभाबाट पारित भई कम्पनी ऐन, २०६३ को दफा १८२(२) अनुसार नेपाल सरकार, अर्थ मन्त्रालयको स्वीकृति प्राप्त भएपछि वितरण गरिने जनाएको छ।

यद्यपि, कम्पनीले हालसम्म १०औं वार्षिक साधारणसभा, त्यसमा पेश गरिने एजेन्डाहरू तथा बुक क्लोज मिति तय गरेको छैन। यी विवरणहरू पछि सार्वजनिक गरिने कम्पनी सचिव रमेश भण्डारीले जानकारी दिएका छन्।