असोज २, २०८२ काठमाडौं – सागर डिष्टिलरी लिमिटेडको आईपीओमा आवेदन दिने म्याद थपिएको छ। कम्पनीले जारी गरेको सूचनाअनुसार अब आगामी असोज ५ गतेसम्म सर्वसाधारण लगानीकर्ताले आईपीओमा आवेदन दिन सक्नेछन्।

कम्पनीले भदौ ३० गतेदेखि सर्वसाधारणका लागि ११ लाख ९० हजार ६ सय ४० कित्ता शेयर सार्वजनिक निष्काशन गरेको हो। बीचमा सार्वजनिक विदा परेको कारण आवेदन दिने समयावधि थप गरिएको कम्पनीले जनाएको छ।

लगानीकर्ताले न्यूनतम १० कित्ता र अधिकतम १० हजार कित्तासम्मको लागि आवेदन दिन सक्ने व्यवस्था गरिएको छ। बिक्री प्रबन्धकको जिम्मेवारी मुक्तिनाथ क्यापिटल लिमिटेडले वहन गरेको छ।

यसअघि कम्पनीले वैदेशिक रोजगारीमा रहेका नेपालीहरूलाई छुट्टै कोटा मार्फत आईपीओ निष्काशन गरी बाँडफाँड गरिसकेको छ।