भदौ २,२०८२ काठमाडौं—दुई दिने भ्रमणमा आएका भारतीय विदेशसचिव विक्रम मिश्रीले सोमबार जंगीअड्डा पुगेर प्रधानसेनापति अशोकराज सिग्देलसँग भेटवार्ता गरेका छन्। भेटमा दुईपक्षीय हितका विषयमा कुराकानी भएको जंगीअड्डा स्रोतले जनाएको छ।

विदेशसचिव मिश्री आइतबार नेपाल आइपुगेका थिए। आइतबारै उनले प्रधानमन्त्री केपी शर्मा ओली, राष्ट्रपति रामचन्द्र पौडेल, नेपाली कांग्रेस सभापति शेरबहादुर देउवा र माओवादी केन्द्र अध्यक्ष पुष्पकमल दाहाल ‘प्रचण्ड’सँग भेट गरिसकेका थिए। सोमबार केही अनौपचारिक भेटपछि दिउँसो उनी स्वदेश फर्किने कार्यतालिका रहेको छ।