कार्तिक २७ , २०८१ काठमाडौँ: भैरहवास्थित गौतमबुद्ध अन्तर्राष्ट्रिय विमानस्थलमा कतार एयरवेजको उडान सुरु भएको छ । कतार एयरवेजले मंगलबारदेखि भैरहवास्थित गौतमबुद्ध अन्तर्राष्ट्रिय विमानस्थलमा नियमित उडान सुरु गरेको हो ।

कतारको दोहाबाट उडेको कतार एयरवेजको वाइड बडी जहाज मंगलबार २ बजेर ४५ मिनेटमा गौतमबुद्ध अन्तर्राष्ट्रिय विमानस्थलमा अवतरण गरेको छ । आजै ४ बजेर ४५ मिनेटमा उक्त जाहाज काठमाडौं उड्ने छ ।

जहाजमा ३३ जना यात्रु रहेका थिए । अब कतार एयरले दैनिक दोहा भैरहवा काठमाडौं उडान गर्नेछ । कतार एयरवेजसँगै अब भैरहवास्थित गौतमबुद्ध अन्तर्राष्ट्रिय विमानस्थलमा नियमित अन्तर्राष्ट्रिय उडान गर्ने एयरवजेजको संख्या पाँच पुगेको छ ।