१५ मंसिर २०७८, काठमाडौं : अटोमोबाइल्स क्षेत्रको छाता संगठन नाडा अटोमोबाइल्स एशोसिएसनको आगामी कार्यसमितिको लागि करण चौधरी उम्मेदवारी घोषणा गरेका छन् । हाल एशोसिएसनका उपाध्यक्ष रहेका चौधरीले प्यानलसहित बुधबार अध्यक्षमा उम्मेदवारी दिने घोषणा गरेको हुन् ।

नाडा अटोमोबाइल्सको साधारणसभा यही मंसिर २२ र २३ गते हुँदैछ । साधारणसभाले आगामी २ वर्षका लागि १७ सदस्यीय नयाँ कार्यसमिति चयन गर्दैछ । चौधरीले अहिले कार्यसमितिमा रहेका ८० प्रतिशत सदस्यको साथ आफूसँग रहेको दाबी गरेका छन् ।

चौधरीले एशोसिएसनको अध्यक्ष बनेपछि आफूले समग्र अटो क्षेत्रको हितमा काम गर्ने बताए ।