काठमाडौंः नेकपा दाहाल–नेपाल समूहका वरिष्ठ नेता झलनाथ खनालले प्रधानमन्त्री केपी ओलीसँग पानी जहाज र घरघरमा ग्यास पाईप खोई भनेर प्रश्न गरेका छन् ।

काठमाडौंमा गरेको विरोध सभामा प्रधानमन्त्री ओलीको चर्को आलोचना गर्दै खनालले ओलीलाई यस्तो प्रश्न गरेका हुन् ।

ओली जस्ता तानाशाहकै कारण सडकमा आउन बाध्य भएको भन्दै उहाँले भन्नुभयो, ‘ओलीले संविधानमाथि बलात्कार गरे, लोकतन्त्रमाथि प्रहार गरे । त्यसैले सडकमा आउन बाध्य भएका हौं ।’

पार्टीका नीति कार्यक्रम सबै बिर्सिएको आरोप लगाउँदै खनालले प्रश्न गर्नुभयो, ‘कहिले पानी जहाजको कुरा गर्नुभयो, कहिले घरघरमा पाइपबाट ग्यास ल्याउने कुरा गर्नुभयो । खोइ पानी जहाज ? खोइ घरघरमा ग्यास पाइप ?’