काठमाडौंः प्रचण्ड–माधव समूहको केन्द्रीय कमिटी बैठकले नेपाल कम्युनिष्ट पार्टी (नेकपा) को नयाँ अध्यक्षमा माधवकुमार नेपाललाई चयन गरेको छ ।

मंगलबार बबरमहलस्थित कार्की ब्याङक्वेटमा सम्पन्न बैठकमा वरिष्ठ नेता झलनाथ खनालको प्रस्तावमा नेपाललाई अध्यक्षमा चयन गरिएको हो ।

साथै बैठकले पार्टी अध्यक्ष केपी शर्मा ओलीले ऐतिहासिक राजनीतिक परिवर्तन, संविधान, लोकतन्त्र, पार्टी एकताको विरुद्धमा कार्य गरेकाले पार्टी अनुशासनको गम्भीर उल्लंघन गरेकाले कारबाही गरी पार्टी अध्यक्षको जिम्मेवारीबाट मुक्त गर्ने निर्णय गरेको छ ।

अर्को बैठक बिहीबार साढे ११ बजे बोलाइएको छ ।