आमाको गीत

२०७७ बैशाख ११ गते, बिहीबार ०२:३२

पुष्करराज बुढाथोकी ‘साउँतेली’

आमा तिम्रो दुधको भारा तिरुँ म कसरी
माया दियौ ममता दियौ मलाई बेसरी ।

कसले दिन्छ मलाई माया
आमा तिम्ले जती
जन्माएको हुर्काएको
मुल्य कति कति,

कोही छैन केही छैन जन्मदाता सरी
हसाउँछु ईश्वरलाई तिम्रो पुजा गरी ।

दिदी बहिनी दाजुभाईको
दिन्न बन्धन टुट्न,
आमा तिम्रो सेवा भावमा
पाऊँ सँधै जुट्न ।

मेरो स्वर्ग भन्नु एउटै तिम्रो न्यानो काख
जुनी जुनी आमा मलाई जन्म दिई राख ।

(लेखक नेपाल पत्रकार महासंघ, भक्तपुर, जिल्ला शाखाका सभापति हुनुहुन्छ ।)

प्रतिकृया