राष्ट्रिय खुल्ला पुरुष भलिबलमा पुलिस र आर्मी विचको खेल पुन आज

प्रकाशित मिति

२०७६ भाद्र ३१ गते, मंगलवार ०९:५२

काठमाडौंः पहिलो संस्करणको प्रकाश दाहाल स्मृति प्रगतिशिल युवा नेपाल कप राष्ट्रिय खुल्ला पुरुष भलिबल प्रतियोगिताको स्थगित भएको फाइनल खेल आज मंगलबार पुनः हुने भएको छ । नयाँ बसपार्कस्थित ढोरपाटन क्लबको खेल मैदानमा बर्षा बाधक बनेपछि त्रिभुवन आर्मी र नेपाल पुलिस क्लबबीचको सोमबारको फाइनल खेल बर्षाका कारण रद्द भएपछि आज पुनः हुने भएको हो ।

सोमबार आर्मी र पुलिसबीचको फाइनल खेलको तेस्रो सेट चलिरहँदा भारी बर्षा भई कोर्टमा पानी जमेपछि खेल स्थगित गरिएको थियो । खेल आज दिउँसो १ बजे सुरु हुने आयोजकले जनाएको छ ।