लोकन्थली, मध्यपुरथिमि नगरपालिकाको वडा नं १ लोकन्थलीमा आज बिहान पुनःसडक भासिँदा ६ घर उच्च जोखिममा परेको छ। मध्यपुरथिमि १, २ र ३ मा रहेको खानेपानी समस्या समाधानका लागि ट्याङ्की निर्माण गर्ने क्रममा गत ३ गते राति सडक भासिएपछि रोकथामका प्रयास भएपनि वर्षाक कारण फेरि सडक अवरुद्ध भएको हो।
सडक भासिँदा स्थानीय लक्ष्मणप्रसाद पौडेल, प्रेमबहादुर तामाङ, सन्तोष तामाङ, भरत पौडेल, कृष्णबहादुर थापा, मुकुन्द सापकोटा र कैलाश न्यौपानेको घर उच्च जोखिममा पारेको हो।
पानीट्याङ्की निर्माणका लागि खाडल खन्दा ३ गते राति सडक भासिंदा १६ फिट चौडाइ रहेको करीब ४० मिटर कालोपत्र सडक अवरुद्ध भएको थियो। अहिले थप सडकमा क्षति पुग्ने जोखिममा रहेको छ । दुई वटा घरको जगसम्म सडक भासिंदा ती घरमा रहेका मानिस र सामान्यहरुलाई स्थान्तरण गरिएको छ।