मेड्रिड, स्पेनमा हेलिकप्टर दुर्घटना हुदा सात जनाको ज्यान गएको छ । स्पेनको मल्लोर्का आइल्याण्डमा एउटा हेलिकोप्टर र अल्ट्रालाइट प्लेन आकाश मार्गमा ठोक्किँदा कम्तिमा ७ जनाको मृत्यु भएको हो । सो दुर्घटना इन्का भन्ने स्थान नजिकै भएको थियो । जुन स्थान ख्यातिप्राप्त पर्यटकीय स्थलको उत्तर तर्फ पर्दछ । दुई जना मृतक १८ वर्षभन्दा कम उमेरका पनि छन् । स्पेनिस मिडियाले जनाएअनुसार दुई नाबालकसहित ५ जना यात्रु हेलिकोप्टरमा सवार थिए ।

अन्य दुई जना भने अल्ट्रालाइट प्लेनमा रहेको अनुमान गरिएको छ । त्यसमा अधिकतम दुई सिट हुन्छ ।बालेआरिक आइल्याण्डको सरकारले कम्तिमा ७ जना मारिएको पुष्टि गरेको छ । स्थानीय समाचारपत्रका अनुसार सो दुर्घटना इन्का अस्पताल माथि भएको थियो । घटनास्थलको तस्बिर हेर्दा दुवै हेलिकोप्टर र अल्ट्रा प्लेन क्षतिग्रस्त भएको बीबीसीले जनाएको छ ।