तुलसीपुर । तुलसीपुरमा करिब तीन करोडको लागतमा तुलसी डेरी उद्योग सञ्चालन हुने भएको छ । हाम्रो पहुँच बहुउद्देश्यीय सहकारी संस्थाले पाँचांै परियोजनाका रूपमा तुलसी डेरी उद्योग सञ्चालनमा ल्याउन लागेको हो । दुग्धजन्य सामग्री उत्पादन तथा बजारीकरणका लागि दुग्ध प्रशोधन केन्द्र तुलसी डेरी उद्योग सञ्चालन गर्न लागेको संस्थाका अध्यक्ष शुक्रराज भण्डारीले जानकारी गराउनु भयो ।

प्रदेश सरकारको २० लाख अनुदान तुलसीपुर उपमहानगरपालिकाको ४५ लाख ऋण सहयोग र बाँकी संस्थाको २ करोड ३० लाखको लागतमा उद्योग सञ्चालनमा आउने भएको हो । उद्योग सञ्चालनका लागि करिब ३ कठ्ठा जग्गा खरिद गरिसकेको र अन्य आवश्यक उद्योग सामग्री खरिद गरिसकेको अध्यक्ष भण्डारीले बताउनु भयो । यसै वर्षको अन्तिमसम्म सञ्चालनमा ल्याउने आवश्यक संरचना निर्माण गरिरहेको उनको भनाइ छ ।