भक्तपुरको राधेराधेस्थित इजी वे ट्रायल सेन्टरले जिल्ला ट्राफिक कार्यालय भवन निर्माण गर्न दुई लाख १ हजार रुपियाँ सहयोग उपलव्ध गराएको छ ।भक्तपुरको सुर्यविनायक नगरपालिकाको चुनदेवीमा निर्माणाधिन चार तले भवन निर्माण सम्पन्न गर्न सेन्टरले सहयोग स्वरुप सो रकम उपलव्ध गराएको सेन्टरका निर्देशक खड्गीले बताउँनु भयो ।

बिहिवार ट्रायल सेन्टरमा आयोजित एक समारोहका बीच सेन्टरका प्रबन्ध निर्देशक निर्भय बाबु प्रसाई, निर्देशक बिरेन खड्गीले जिल्ला ट्राफिक कार्यालय भवन निर्माण समितिलाई दुई लाख १ हजार रुपियाँको चेक हस्तान्तरण गर्नु भएको हो ।

ट्राफिक भवन निर्माण सम्पन्न भएपछि व्यवस्थित रुपमा कार्यालय सञ्चालन हुनुका साथै त्यसबाट गुणस्तरीय सेवा प्रवाह हुने अपेक्षासहित सेन्टरले भवन निर्माणमा सहयोग उपलव्ध गराएको प्रबन्ध निर्देशक प्रसाईले बताउँनु भयो ।