८ असोज २०८३ काठमाडौं — नेकपा (एमाले)ले सात जना नेतालाई स्थायी कमिटी सदस्य मनोनीत गरेको छ। बिहीबार बसेको पार्टी सचिवालय बैठकले ईश्वर पोखरेल, प्रदीप ज्ञवाली, देवराज घिमिरे, शिवमाया तुम्बाहाम्फे, लालबाबु पण्डित, थममाया थापा र काशिनाथ अधिकारीलाई स्थायी कमिटी सदस्यमा मनोनीत गरेको हो।

सचिवालय बैठकबाट मनोनीत भएका उनीहरूको नाम अब केन्द्रीय कमिटी बैठकबाट अनुमोदन गरिनेछ।

यस्तै, सचिवालय बैठकले पूर्वराष्ट्रपति तथा एमालेकी पूर्वउपाध्यक्ष विद्या भण्डारीलाई पार्टीको वरिष्ठ नेता प्रस्ताव गरेको छ। उनको वरिष्ठ नेता पदसम्बन्धी प्रस्ताव पनि पार्टीको सम्बन्धित कमिटीबाट अनुमोदन हुने जनाइएको छ।