काठमाडौं — कुमारी बैंक लिमिटेडले ३१ हजार ५२९ कित्ता संस्थापक सेयर सर्वसाधारणका लागि बिक्रीमा राखेको छ। बैंकका संस्थापक सेयरधनीका नाममा रहेको उक्त सेयर बिक्रीका लागि बैंकले यसअघि संस्थापक सेयरधनीलाई प्राथमिकता दिँदै सूचना प्रकाशित गरेको थियो। तोकिएको अवधिमा सेयर बिक्री नभएपछि बैंकले सर्वसाधारणका लागि बिक्री खुला गरेको हो।

उक्त संस्थापक सेयर खरिद गर्न इच्छुक सर्वसाधारणले सूचना प्रकाशित भएको मितिले ३५ दिनभित्र आवेदन दिन सक्नेछन्। आवेदन कुमारी क्यापिटल लिमिटेड, नक्साल वा कुमारी बैंकको टंगालस्थित प्रधान कार्यालयमा बुझाउनुपर्नेछ।

सेयरको मूल्य तथा आवेदनसम्बन्धी थप विवरण बैंकले प्रकाशित गरेको सूचनामा उल्लेख गरिएको छ।