१ भदौ २०८३ काठमाडौं – मुहान हाइड्रोपावर लिमिटेडले सर्वसाधारणका लागि आईपीओ निष्कासन गर्ने प्रस्तावसहित भदौ २० गते वार्षिक साधारणसभा बोलाएको छ। सभा भक्तपुरको बाराहीस्थानमा दिउँसो १ बजे बस्नेछ। सभामा सर्वसाधारणका लागि प्रारम्भिक सार्वजनिक निष्कासन (आईपीओ) गर्ने तथा आईपीओ निष्कासनका लागि आवश्यक सम्पूर्ण प्रक्रिया अघि बढाउन सञ्चालक समितिलाई पूर्ण अख्तियारी दिने प्रस्ताव पेस हुनेछ।

त्यस्तै, कम्पनीलाई अन्य हाइड्रोपावर वा संस्थासँग मर्जरमा लैजान सञ्चालक समितिलाई अख्तियारी दिने प्रस्तावसमेत सभामा पेस गरिनेछ।

सभाले गत आर्थिक वर्षको वार्षिक प्रतिवेदन, लेखापरीक्षण प्रतिवेदन तथा अन्य वित्तीय विवरण पारित गर्नेछ। चालू आर्थिक वर्षका लागि लेखापरीक्षक नियुक्ति तथा पारिश्रमिक निर्धारण र कम्पनी सचिव नियुक्तिसम्बन्धी प्रस्तावसमेत सभामा पेस हुनेछ।