४ असार २०८३ काठमाडौं – सिटिजन्स बैंकको ७७ हजार ५७८.३१ कित्ता संस्थापक सेयर बिक्रीमा राखिएको छ। बैंकका एक संस्थापक सेयरधनीले आफ्नो स्वामित्वमा रहेको उक्त परिमाणको संस्थापक सेयर बिक्री गर्न लागेका हुन्।

नेपाल राष्ट्र बैंकको प्रचलित निर्देशनअनुसार संस्थापक समूहको सेयर खरिद–बिक्री गर्दा सर्वप्रथम अन्य संस्थापक सेयरधनीलाई प्राथमिकता दिनुपर्ने व्यवस्था छ। सोही व्यवस्थाबमोजिम बैंकले यसअघि संस्थापक सेयरधनीहरूलाई सेयर खरिदका लागि जानकारी गराएको थियो।

तर, तोकिएको अवधिभित्र कुनै पनि संस्थापक सेयरधनीबाट खरिदका लागि आवेदन नपरेपछि उक्त सेयर अन्य इच्छुक व्यक्ति तथा संस्थालाई बिक्रीका लागि खुला गरिएको बैंकले जनाएको छ। सेयर खरिद गर्न इच्छुक लगानीकर्ताले सूचना प्रकाशित भएको मितिले ३५ दिनभित्र बैंकको केन्द्रीय कार्यालय नारायणहिटी पथ, काठमाडौंमा आवेदन दिन सक्नेछन्।