५ फाल्गुन, २०८२ काठमाडौं – फागुन ६ र ७ गते देशभर सार्वजनिक बिदा हुने भएको छ। फागुन ६ गते ग्याल्पो ल्होसार तथा फागुन ७ गते प्रजातन्त्र दिवसका अवसरमा सरकारले सार्वजनिक बिदा दिएको हो।

ग्याल्पो ल्होसार बौद्ध धर्मावलम्बीहरूको प्रमुख पर्व हो। विशेषगरी शेर्पा समुदायले मनाउने यस पर्वलाई पछिल्ला वर्षहरूमा अन्य समुदायले पनि सांस्कृतिक उत्सवका रूपमा मनाउने गरेका छन्।

प्रजातन्त्र दिवस हरेक वर्ष फागुन ७ गते मनाइन्छ। २००७ साल फागुन ७ गते १०४ वर्षे राणा शासन अन्त्य भई प्रजातन्त्र स्थापना भएको ऐतिहासिक दिनको सम्झनामा यो दिवस राष्ट्रिय रूपमा मनाइन्छ।

बिदाका दिन सरकारी कार्यालय, बैंक तथा वित्तीय संस्था तथा शेयर बजार बन्द रहनेछन्।